只係$23蚊！抵食外賣早餐 雙拼意粉 – 葵涌石蔭88冰室的食評

今日試吓呢間88冰室，住左附近多年，一路無留意，見openrice有外賣自取優惠非常吸引 ，點左個雞翼牛肉雙拼意粉蕃薯湯底連熱華田。

兩隻炸雞翼，牛肉份量算比想像多及大塊，不是一舨茶記個類勁薄切牛肉，而且仲係7成熟狀態。

.

蕃薯湯味道同羅宋湯有點似，湯底轉濃及酸，如果鐘意味道重一點既朋友就非常岩食 ?，唔係既話都可自行加點熱水落去溝淡些少，問題不大，意粉口感軟硬適中，整體上是非常抵食！雙拼麵堂食價是$31，經openrice外賣app $28，期間有減$5優惠，埋單只係$23！！? 優惠唔知幾時完請自行留意番啦，住附近或係附近工作都值得一試。

.

附上冰室餐牌作參考 – 2022年2月紀錄